Thursday, January 9, 2020

სასმელი წყლის პრობლემები

დმანისის მუნიციპალიტეტის სოფელ ქვემო ოროზმანის მოსწავლეებმა მოიძიეს ინფორმაცია წყლის დაბინძურების შემთხვევაში ჯარიმების შესახებ, შეხვდნენ მოსახლეობას და ესაუბრნენ დაბინძურებისგან წყლის დაცვაზე, რომ სარწყავად გამოიყენონ მხოლოდ ტექნიკური წყალი, რადგან სასმელი წყლის რესუსრი მცირეა. მოსწავლეებმა მოსახლეობას  ასევე მიაწოდეს ინფორმაცია სასმელი წყლის დაბინძურების შემთხვევაში ჯარიმების შესახებ.

საკლუბო პროექტი "ევროკავშირი და საქართველო"

საიმერლოს საჯარო სკოლის სამოქალაქო განათლების კლუბმა  IV და V კლასის მოსწავლეებთან ერთად განახორციელეს პროექტი ,,ევროკავშირი და საქართველო". პირველი აქტივობით -  მათ უმცროსკლასელებს მიაწოდეს ინფორმაცია ევროკავშირის, საქართველოს დამოკიდებულებებსა და მის სტრუქტურაზე. მეორე აქტივობით - ჯგუფური მუშაობის მეთოდებით ერთობლივად შექმნეს და წარმოადგინეს ევროკავშირის დროშა. ინფორმაციები: ჰიმნის, დედაქალაქის და შემავალი ქვეყნების შესახებ, რომელიც განათავსეს პლაკატზე.

სკოლის როლი საზოგადოების მშენებლობაში - სკოლის 100 წლის იუბილე

მარნეულის მუნიციპალიტეტის სოფელ აზიზკენდის საჯარო სკოლის სამოქალაქო კლუბმა სკოლის 100 წლის იუბილე აღნიშნა. კლუბში გაიმართა დისკუსია - რა როლი აკისრია სკოლას საზოგადოების განვითარებაში. მოსწავლეებმა მოიძეს ინფორმაცია აზიზკენდის საჯარო სკოლის 100 წლიანი ისტორიის შესახებ, მოამზადეს კედლის გაზეთი, გაესაუბრნენ სკოლის კურსდამთავრებულებს, რომლებიც წარმატებული ადამიანები არიან სხვადასხვა სფეროში, მათ ისაუბრეს განათლების მნიშვნელობაზე ადამიანის ცხოვრებაში. პროექტის განხორციელებით მოსწავლეებმა გააცნობიერეს განათლების მნიშვნელობა პროფესიების დაუფლებისთვის, გაიაზრეს სკოლის როლი დემოკრატიული საზოგადოების მშენებლობაში.

Tuesday, January 7, 2020

საახალწლო საქველმოქმედო ბაზრობა

მარნეულის მუნიციპალიტეტის სოფელ თამარისის #1 საჯარო სკოლის სმოქალაქო კლუბის წევრებმა გამართეს საახალწლო საქველმოქმედი ბაზრობა, რომელიც მიზნად ისახავდა სოციალურად დაუცველი და მრავალშვილიანი ოჯახების დახმარებას. მოსწავლეებმა თავისი ხელით დაამზადეს სხვადასხვა მზა საკვები და გაყიდეს სკოლაში დიდ დასვენებაზე, მიღებული თანხა თანაბრად განაწილდა აღნიშნულ ბენეფიციარებზე, რომლითაც შეძენილ იქნა საკვები პროდუქტები. კლუბის წევრები ნობათით ეწვივნენ ბენეფიციარებს და მიულოცეს დამდეგი ახალი წელი. სამოქალაქო კლუბის ინიციატივამ დიდი მოწონება დაიმსახურა როგორც სკოლის მოსწავლეებში, ასევე სოფლის მოსახლეობაში.

ბაიდარის საჯარო სკოლის სამოქალაქო კლუბის პროექტი "ადრეული ქორწინება"

მარნეულის მუნიციპალიტეტის სოფელ ბაიდარის საჯარო სკოლის სამოქალაქო კლუბის წევრები დაესწრნენ შეხვედრა ომბუდსმენის აპარატის ქვ. ქართლის ოფისის წარმომადგელნებთან, რომელზეც მიიღეს ინფორმაცია ქალთა მიმართ ძალადობისა და ადრეული ქორწინების მიმართ მათლმსაჯულების დამოკიდებულების შესახებ. მოსწავლეებმა ჩაატარეს თემის გამოკითხვა და აღმოჩნდა, რომ მოსახლეობა არ იყო სრულად ინფორმირებული ქართული კანონმდებლობის შესახებ ადრეული ქორწინების მიმართ. მოსწავლეებმა გადაწყვიტეს მშობელთა ინფორმირებულობა, ამიტომ მოიწვიეს ომბუდსმენის წარმომადგენელი მარიამ გვიდიანი სკოლაში და შეახვედრეს მშობლებს. გვიდიანმა დეტალურად განმარტა
არასრულწლოვანზე ქორწინებისას ყველა დასჯადი სიტუაცია. მოსწავლეები ასევე შეხვდნენ სოფლის ამბლატორიის ექიმს, რომელმაც მიაწოდა ინფორმაცია ადრეული ქორწინებისას გოგონების ჯანმრთელობაზე მიყენებულ ზიანზე. ამის შემდეგ მოსწავლეებმა დაამზადეს საინფორმაციო ბუკლეტები და გაავრცელეს თემში. შემდეგ ჩატარებულმა კვლევამ აჩვენა, რომ გაიზარდა მშობელთა ინფორმირებულობა ადრეული ქორწინების რისკების შესახებ.

შეხვედრა ომბუდსმენის აპარატის წარმომადგენლებთან მარნეულის #1 საჯარო სკოლაში

28 ნოემბერს სიქას ორგანიზებით მოეწყო მარნეულის მუნიციპალიტეტის სკოლების აზერბაიჯანული სექტორის მოსწავლეების შეხვედრა საქართველოს სახალხო დამცველის აპარატის ქვემო ქართლის ოფისის წარმომადგენლებთან მარიამ გვიდინსა და მურად ჰუსეინოვთან. შეხვედრის თემა იყო ოჯახში ძალადობა და ადრეული ქორწინების რისკები. მოწვეულმა სტუმრებმა ახალგაზრდებს გააცნეს ძალადობის ფორმების სახეობები და დეფინიცია, მათი პრევენციისა და რეაგირების ფორმები. მოსწავლეებს გაუზიარეს სტატისტიკური მონაცემები ძალადობის ფაქტების შესახებ. შეხედრას დაესწრნენ მარნეულის #1, სოფელ აზიზკენდის, დიდი მუღანლოს, კურტარის, ბაიდარის, ყიზილაჯლოს #1, ხულდარის, კირიხლოს, კასუმლოს, ალგეთის #2 საჯარო სკოლის მოსწავლეები და სამოქალაქო განათლების პედაგოგეი. შეხვედრის მონაწილეებმა აღნიშნეს, რომ საჭიროა ასეთი  საინფორმაციო შეხვედრების ჩატარება მშობლებთანაც, რაც ხელს შეუწყობს ამ პრობლემების მოგვარებას.

Saturday, December 28, 2019

მცირე გრანტის პროექტის "ჯანსაღი ცხოვრების წესის პოპულარიზაცია" ფარგლებში სპორტული შეჯიბრებები ჩატარდა

წალკის მუნიციპალიტეტის სოფელ სამების საჯარო სკოლა ახორციელებს მცირეგრანტის პროექტს "ჯანსაღი ცხოვრების წესის პოპულარიზაცია". პროექტის ფარგლებში სპორტული ღონისძიება გაიმართა. სამების სკოლამ განთიადისა და დარაქოვის საჯარო სკოლებს უმასპინძლა. შეჯიბრი ჩატარდა ფეხბურთსა და მაგიდის ჩოგბურთში ვაჟებსა და გოგონებს შორის.