Tuesday, May 26, 2020

ესეების კონკურსი „რას ვაკეთებ მე, როგორც აქტიური მოქალაქე“

11-21 მაისის პერიოდში პროგრამის პარტნიორი სკოლებისთვის ქვეო ქართლში სიქას გამოცხადებული ჰქონდა ესეების კონკურსი „რას ვაკეთებ მე, როგორც აქტიური მოქალაქე“. კონკურსი მიზანი იყო მოსწავლეებს გაეაზრებინათ აქტიური მოქალაქის მნიშვნელობა და როლი საზოგადოებაში, მისი უფლება-მოვალეობები. IX-XII კლასების მოსწავლეებმა დაწერეს ესეები, რომელშიც იმსჯელეს ვინ არის აქტიური მოქალაქე, რა დანიშნულება აქვს მას, გააზიარეს საკუთარი სამოქალაქო აქტივობები. მოსწავლეებმა თავიანთი ნამუშევრები განათავსეს პროგრამის ქვემო ქართლის სკოლების ჯგუფში https://www.facebook.com/groups/199676331265017/
კონკურსში სულ შემოვიდა 12 ესე მარნეულის, დმანისის, წალკის, თეთრიწყაროსა და რუსთავის მუნიციპალიტეტების სკოლებიდან, შეირჩა გამარჯვებულები, რომელთაც გადაეცათ სიგელი და სამახსოვრო პრიზი, ხოლო ყველა დანარჩენ  მონაწილეს სერტიფიკატი.
ესეების კონკურსის შედეგად მოსწავლეებს აუმაღლდათ მოქალაქეობრივი ცნობიერება, გაეცნენ ერთმანეთის აქტივობებს და გაიზიარეს ერთმანეთის გამოცდილება.

26 მაისი, საქართველოს დამოუკიდებლობის დღე

რუსთავის #3 საჯარო სკოლის მე-9 კლასის მოსწავლემ მოამზადა საქართველოს დამუკიდებლობის დღისადმი მიძღვნილი ვიდეო

Thursday, May 21, 2020

ესე "ჩემი ოჯახი"

მარნეულის მუნიციპალიტეტის სოფელ კასუმლოს საჯარო სკოლის მოსწავლე მე-11 კლასის მოსწავლის შახნაზ ასკეროვას ესე "ჩემი ოჯახი":
📜სოციალური ჯგუფთაგან ოჯახი ერთ-ეთი ყველაზე მნიშვნელოვანი რგოლია ამის დასტურია ოჯახის საერთაშორისო დღის შემოღებაც.
ძლიერი საზოგადოება ძლიერი და მყარი ოჯახებისგან შედგება. ვფიქრობ, ჩემი ოჯახიც საზოგადოებრივი ჯაჭვის ერთ-ერთი მყარი რგოლია, რომელშიც სამი თაობის ხალხი ვცხოვრობთ და სადაც ურთიერთობები სიყვარულსა და გაგებაზეა დამყარებული, სადაც ყველამ იცის თავისი საქმე და ერთმანეთს ვეხმარებით მიზანის მიღწევაში. მაგალითად: მყავს მოსამზადებელი კურსის სტუდენტი და, რომელიც ხშირად მეხმარება და ჩემთვის მთავარი მაგალითია. მე მიყვარს ჩემი ოჯახი!

საიმერლოს სკოლის მე-9 კლასის პროექტი "ჯანმო-ს როლი პანდემიასთან ბრძოლაში"

მარნეულის მუნიციპალიტეტის სოფელ საიმერლოს საჯარო სკოლის მე-9 კლასის მოსწავლეებმა განახორციელეს პროექტი "ჯანმოს როლი პანდემიასთან ბრძოლაში".https://youtu.be/K18hbURdH3I
მარნეულის მუნიციპალიტეტის სოფელ საიმერლოს საჯარო სკოლის მე-9 კლასმა გადაწყვიტა პროექტი გაეკეთებინა ჯანმრთელობის დაცვის საერთაშორისო ორგანიზაციის შესახებ, რათა საზოგადოებისთვის გაეცნო ამ ორგანიზაციის როლი კორონა ვირუსით გამოწვეულ პანდემიასთან ბრძოლაში.
მოსწავლეებმა მოამზადეს პრეზენტაცია ჯანმოს საქმიანობის შესახებ, რაც ამ ორგანიზაციამ გაწია კოვიდ-19 პრევენციისა და მსოფლიოს ინფორმირებულობის მხრივ, და ვიდეოს სახით განათავსეს სოციალურ ქსელში.
პროექტის ფარგლებში მოეწყო ონლაინ დისკუსია, სადაც მოსწავლეებმა სამოქალაქო განათლების პედაგოგთან ერთად იმსჯელეს ჯანმოს დანიშნულებისა და მსგავსი ორგანიზაციების არსებობის მნიშვნელობაზე. აღნიშნეს, რომ რომელი სახელმწიფოებიც ზედმიწევნით ითვალისწინებნენ ჯანმოს რეკონდაციებს და რჩევებს, მათ დროულად შეაჩერეს ვირუსის ფართომასშტაბიანი გავრცელება და ამის ერთ-ერთი მაგალითია საქართველო.
მოსწავლეებმა გამოთქვეს თავიანთი შეხედულებები ჯანმოს შესახებ:
თეკლა ბოჭოიძე: რა თქმა უნდა უნდა ორგანიზაციები, როგორიცაა ჯანმო, აუცილებლად უნდა არსებოდნენ, იმიტომ რომ ვირუსებმა და დაავადებებმა არ იცის საზღვრები, და ერთად ადამიანები უფრო გაძლიერდებიან მის წინააღმდეგ. თუმცა ჯანმოს დააგვიანდა კორონას შესახებ ინფორმაციის გავრცელება, როგორც ეს აღნიშნა აშშ-ს პრეზიდენტმა დონალდ ტრამპმა.
თეკლა დოკვაძე: ჩემი აზრით საზოგადოებრივი გაერთიანებები უფრო მეტად არიან უფლებამოსილნი და ვალდებულნი, მეტი ძალისხმევა გამოიჩინონ ამ და სხვა ჯანმრთელობისთვის საშიში დავადებების პრევენციისა და გავრცელების წინააღმდეგ. აუცილებელია ინფორმაციის დროული და სწრაფი გარცელება. ინფორმირებულობა ადამიანების დაცვის ერთ-ერთი კარგი საშუალებაა.

რუსთავის #3 საჯარო სკოლის პროექტი "ოჯახი ჩემი სიმდიდრეა"

რუსთავის #3 საჯარო სკოლის მე-9 კლასის მოსწავლეებმა პროექტის "ჩემი ოჯახი - ჩემი სიმდიდრეა" ფარგლებში დაწერეს ესე. 
ანასტასია ანისკინა- ოჯახი ჩემთვის ყველაფერია, მის გარეშე ჩემი სიცოცხლე წარმოუდგენელია. ჩვენ საკმაოდ დიდი ოჯახი გვაქვს: მე, მამა, დედა, ძმა და სანათესავო. ჩვენ ყველანი ვცემთ პატივს და ვენდობით ერთმანეთს.
ანჟელა ვორონინა - ოჯახში გვექმნება პირველი წარმოდგენა ამ სამყაროზე, სიყვარულზე და სიკეთეზე. ოჯახს ტყუილად კი არ ეძახიან პატარა სამშობლოს. იქ ფორმირდება ადამიანის პიროვნება და ინდივიდუალურობა, ამიტომ სადაც იზრდება, როგორ ოჯახშიც ცხოვრობს ბავშვი, ისეთი ხდება მომავალში. ოჯახი - ყველაზე დიდი საგანძურია, ყველაზე დიდი სიმდიდრე, რომელიც არასდროს უნდა დაიკარგოს.
ნინო ჩიქოვანი - ოჯახი ეს არის ადგილი სადაც სუფევს სითბო, სიმყუდროვე, სიყვარული და ერთგულება. ადგილი სადაც თითოეული ჩვენგანის ურთიერთობა დამყარებულია ურთიერთპატისვისცემაზე. 

აზიზკენდში მოსწავლეებმა "დარჩი სახლში" პლაკატები გააკრეს

მარნეულის მუნიციპალიტეტის სოფელ აზიზკენდის საჯარო სკოლის სამოქალაქო კლუბის წევრებმა დაამზადეს პლაკატები "დარჩი სახლში" ქართულ და აზერბაიჯანულ ენებზე და გააკრეს სოფელში თვალსაჩინო ადგილებში, რითაც მოუწოდეს მოსახლეობას, რომ შეზღუდვების მოხსნის შემდეგაც მოერიდონ სახლიდან აუცილებელი საჭიროების გარდა გარეთ გასვლას და ხალხმრავალ ადგილებს.

გარემოს დაბინძურება, თამარისის #1 საჯარო სკოლა

მარნეულის მუნიციპალიტეტის სოფელ თამარისის #1 საჯარო სკოლის მოსწავლეებმა მცირე გრანტის პროექტის "ჩვენთვის და ჩვენი სკოლისთვის" ფარგლებში მოამზადეს ვიდეო გარემოს  დაბინძურების თემაზე.